自來雀仔

頭先當我係廁所開始洗面就FACIAL之際，我睇到一D『吱..吱』聲，開頭以為係電視D聲啦，點知隔左一陣LULU妹好大聲叫左一聲『嘩~~有隻雀仔飛左入屋呀！』因為我好驚，所以第一時間關左廁所度門，唔敢出嚟，只係大聲叫出佢地快D捉走佢。

隻雀仔仲飛左入我同LULU妹間房，飛左去LULU妹張床度呀！(好在唔係我張床~~)

依個時候，神勇嘅LULU妹同爸爸一齊捉隻雀仔，佢地都攪左一陣...終於都捉到隻雀仔。爸爸話隻雀仔應該係出世冇幾耐，因為佢D毛仲未出齊呀！

當隻雀仔放番出去窗口時，唔知佢係唔係太驚恐，佢冇即時飛走，仲留左係我地個窗台花盆一陣呀！

係依個時候...安全晒我先肯離開個廁所，出去睇隻雀仔.....(自己真係冇用，LULU妹仲大膽過我！)

原本都想影張相同依個客人留念，不過一拎相機出嚟，佢就飛走左啦！