羅浮宮揀衫

今日我去左羅浮宮為下星期影最後一次結婚相揀衫啦，成個過程都好好玩~~係可以用過玩字嚟形容！

原本我係可以揀兩件婚紗同一件晚裝，但我今次就決定揀三件都係婚紗，因為我覺得上次影新天地嗰時都已經影左好多晚裝相，加上結婚嗰晚又會影好多晚裝相，所以一去到就主力揀婚紗啦！

原本打算都揀周麗淇著過嗰幾件，不過...最後一件都冇揀到，可能俾D新款吸引住啦！

我地都揀左成12件婚紗嚟試，好多都係新款呀！試左好幾件都好鐘意，真係有少少心大心細，唔知邊件好呀！不過最攪笑就係最後我決定嘅三件婚紗，有兩件係個STAFF姐姐介紹，可能佢地幫慣左人試衫，可以知道我地D身形有乜衫著出嚟好睇啦！

不過....試完衫之後，我又發覺我對麒麟臂真係~~~好肥呀！都唔知點算好啦，唯有襯仲有幾日時間，希望可以減少少，等影相出嚟可以好少少啦！