今日去完家計會睇我地個驗血報告同見醫生，好在我同大肥豬都健康正常。只係醫生話大肥豬重左少少...醫生冇話我過重，真係開心。
我終於都知道自己係乜血型啦！我就係O型，大肥豬就A型。下次人地問我係乜型時，就唔洗答話K型啦~
但原來我地兩個都對乙型肝炎都冇抗體，醫生話怕到時會對BB有影響，所以就叫我地打抗體針，仲要分三次打。一聽到話對BB唔好，大肥豬就話要一齊打針....真係俾佢激死。
不過我知道佢迫我打針都主要唔係為左第日生BB，佢成日都好怕我身體唔好。雖然我都好怕打針，算啦~~就聽佢話一次咁多啦！
今日就打完第一針，要成$150一次，都幾貴，仲要打三支......不過為左可以預防乙型肝炎同第日BB嘅健康，冇法啦！
沒有留言:
發佈留言