黑仔王又嚟啦

今日再一次證明我係超級黑仔王啦！

我地依間新校舍已經運作左都有一年多，上年十一月係我第一次困LIFT，估唔到半年後嘅今日，我又再一次經歷依個情況。上次都好，有個老師陪吓，今次仲要係得我一個人，真係好驚呀！

當部lift停左係度嘅時候，我真係好驚，好驚一個人嘅感覺。個一剎，我個腦都真係一片空白，乜都唔知，只係不停按個警鐘。不過好在好快就有同事應我，都定左少少，不過都係好驚。

等左約3分鐘左右，部lift又無端端行番，仲落左地下，我一見度門打開，就即刻衝出去，企左係度行唔到，因為對手同腳都麻痺晒.....等左一陣，慢慢就行番入office。

坐左一陣，成個人定番再開始做嘢啦！

點知...部lift放左我出嚟嘅時候，部lift又正常番。D師傅嚟check，又話冇問題。

真係唔到你唔信，成間學校都只有我困過兩次lift，真係黑呀.....依家真係好怕再搭lift啦！