蕃茄炒雞蛋

今日依個餸係我專登要媽咪教我呀！仲係尋日已經叫佢買定材料，今日就要學呀！

因為....依個餸係大肥豬鐘意食嘅餸之一，佢仲話有時簡簡單單嘅餸已經係好好味，唔洗一定要整D高難度菜式。

不過...今日依個餸有少少失敗，就係咸左少少....可能係我落鹽重手左啦！仲有就係炒蕃茄時炒耐左，有少少D蕃茄皮燶左，真係有少少唔開心！

雖然係有少少失敗，但都食得晒，連平日高要求嘅爸爸都用嚟送飯....都有番少少安慰呀！

下次我一定要留意今次失敗原因，整得更加好味！