我都有花收

頭先放工行去搭地鐵時，見到好多媽咪級嘅女性都有一支假嘅康乃馨花收。當行到去某屋苑門口，就見到一個政黨嘅成員係度擺攤位，送康乃馨俾行過嘅女性，慶祝母親節。

我都冇為意，咪照行唔理佢地啦！點知...當我行過個攤位時，嗰個議員就遞左一支花俾我，係嗰個時候我當然接左，唔接好似冇乜禮貌嘛！

嘩~~點解會俾我呀！唔通我個LOOK似阿媽.....

算啦！當佢地係做宣傳係人都派啦，又或者叫我返屋企送俾媽咪啦！

不過又真係幾攪笑。

我依家打算將依支花留番嚟試整簽名筆，如果成功就先買D靚靚花花嚟整！(不過...真係成功先算啦！)