期待

一個勁...勁...勁期待嘅SAMMI演唱會，終於今晚可以入場睇啦~~~真係好緊張呀！

係入場前都有好多SAMMI嘅精品賣，有衫、袋、手錶....！不過...我就最想買限量版CD BOX-SET，但要成三百幾蚊，大肥豬一定話貴唔俾我買呀！就算俾買都唔知仲有冇啦~~好似係限量版唔係太多呀~~唯有等六月一日先買平民版啦！

頭先去幾個網站論壇睇過D報導，個個都激讚，話個氣氛好好，依家我不停睇有線娛樂新聞台，希望可以睇D片段先啦！(不過都依家都仲未播，真係激死呀！)

都唔明白都已經唔係第一次睇SAMMI，但總係好心急，成個妹妹仔咁，真係唔知醜呀！....真係越睇越想快D到夜晚入場睇呀！