愛心面膜

為左要以最靚靚嘅態度去影結婚相，我都已經日日係屋企做補濕MASK，真係好勤力呀！

之前同契嫂傾開補濕面膜時，佢叫我用FANCL嗰支充電更生軟膜，佢話依隻都幾溫和，可以日日用又唔會起粒粒，仲話佢細妹係結婚前都係日日FULL依支MASK，到結婚嗰日真係好容易上妝。

雖然契嫂講都咁好，真係令我有少少心動去買呀！不過...最後都冇買到！

因為我之前都有試過用依支面膜，都覺得OK，不過唯一就係好似貴左少少。細細嘅一支用一星期左右，就要成$130，好似唔係好抵呀！

頭先同契嫂食飯，佢竟然送左份小禮物俾我呀~~就係依支補濕面膜呀！

仲叫我依幾晚KEEP住用，要以最佳態度影相呀~~

真係好開心呀！