點解咁多人

今日陪媽咪出銅鑼灣拎部 DV去整。我記得大約一年前都拎過部DV去時代廣場整，我今次未又再去嗰度整啦，點知去到先知道原來間公司搬左，攪左都成半個鐘，又打電話又問人，先知原來佢地搬左去對面大廈。

都好到最後都拎到去整...依家要等一個星期先知部機乜事。不過原來我地過左保養期，要俾$250 CHECK機費，到維修師傳睇完之後再報價睇吓維修零件費幾多。我覺得好似唔係太值，不過媽咪話睇吓先，如果太貴先唔整，費時浪費就機哦！

唔知係唔仲係5.1勞動節假期關係，成條街都迫滿晒人。入去店舖嘢，你周圍都係人，仲要係個個都係操流利嘅普通話，真係有少少覺得好似係自己返左內地呀！係依個情況吓我都冇乜心機再行啦！

見佢地好多個都係一袋袋咁拎，都好可以振興香港經濟嘛！