我都買左啦

早排係珍珍個BLOG見佢買左個『囍』字印仔給落去D餅咭上面，覺得好特別，都有諗住買番個整吓。

剛剛經過間鋪頭仔，竟然俾我無意中見到有得買，仲只係$35，好抵呀！所以我就買左一個啦！不過唔知係唔係新嘅關係，要好大力印落去先得呀！雖然係要好用力，但又幾好玩哦。

但有一個好大嘅問題~~就係當係個『囍』字印去唐餅咭信封時，可能個開口位唔係太好，所以印到個『囍』字有少少變形。

依家我將個『囍』字印係信封面，唔知會唔會好怪呢？大家俾D意見呀~~

希望收到張餅咭嘅朋友仔都覺得有心思啦！