南瓜炒肉片

哈哈~~上個星期偷懶左，冇學煮餸，俾大肥豬話我冇恆心，所以今日又要學煮新餸，叻番一次先得！

依個就係今日學嘅餸，就係南瓜炒肉片啦！

南瓜....我真係好鐘意食呀！記得之前都唔係好鐘意食，不過有一次係個酒樓食飯試過，就真係愛上左食南瓜呀！但就一定要煮得好『林』先至係最好味。

之前媽咪煮親南瓜，我都叫佢煮『林』D，不過次次都俾媽咪話煮得太『林』就唔好食~~

今次係我煮，就係我話事啦！哈哈~~我當然係煮得『林』少少，真係好好味呀！(又係度自己讚自己，真係唔知醜啦~~哈哈！)

不過原來南瓜都幾難整，削佢個皮真係好難呀，因為個皮又厚又實....都幾難切呀！

今次我都覺得自己整得OK，係後尾落多左少少水，好似個汁好左D。

下次我一定會跟進番依個問題，改善一吓，等我可以煮個十全十美嘅靚餸！