病都古怪過人

今日放工媽咪陪左我去左睇醫生啦！

可能我放工早啦~所以完全唔洗等就可以入去見醫生，仲要唔洗十分鐘就見完，真係快呀~~

一入到去醫生就將我兩隻眼都左照右照，佢話我眼就冇事，只係眼皮發炎，好少事....但我同佢講話真係好痛，仲痛到連眼尾都開始痛。點知個醫生只係叫我唔好咁緊張，眼皮發炎係好少事，食藥就OK，不停叫我放鬆呀！之後我叫醫生睇埋我D頭痛同感冒啦！

其實我唔係緊張，只不過我都唔知眼皮發炎係乜，之前都未試過，所以問多一兩句啦！

話就話冇事，但佢竟然收左我$190，仲要得好少少藥....真係好貴呀！

不過，鬼叫個病都古怪過人喲！眼皮發炎????真係聽都未聽過呀！