菠蘿炆排骨

今日又學左樣新菜式啦~~

登..登...登...登....就係依碟~~~~菠蘿炆排骨

媽咪話用罐頭菠蘿唔好，個味唔夠鮮甜，所以就用新鮮嘅菠蘿啦！媽咪仲專登出去APITA買呀！

不過原來煮新鮮菠蘿係比較麻煩，要係煮前浸糖水，等佢冇咁酸，煮出嚟甜D呀！

今次學依個新餸真係有少少難度，因為煮左一陣都覺得D排骨好似唔熟，我又不停抄...不停抄....點知，媽咪話排骨係要焗吓先得。好在....煮完之後都熟，不過好似有少少勒~~可能炆耐左少少啦！下次一定要睇緊D個時間先得！

真係好鐘意依個餸，因為我好鐘意食煮過嘅菠蘿。但唔知點解覺得生菠蘿唔好食，有少少澀味，但煮過嘅菠蘿就冇，仲好甜呀~~真係古怪啦！