十年回憶展

今日係端午節，先祝大家端午節快樂！

因為我地屋企做節關係，所以冇同大肥豬去街街，各自留係屋企等食飯！

媽咪預備好晒今晚D餸之後，見有時間，就捉左我地出去太古城行街街，主要幫LULU妹買波鞋啦！

可能係假期關係啦~~真係好多人呀！間波鞋店都迫滿晒人，我地都等左好耐先有人幫我地。不過...唔緊要，仲好呀~~可以等我地慢慢揀呀！

買完波鞋之後，我地見太古城中心有一個叫做十年回憶展，有幾個展覽都幾得意呀！我....當然又唔浪費依個影相嘅機會，同媽咪、LULU妹影左好幾張相啦~

哈哈~~我真係好鐘意影相呀，仲唔放過任何一個影相嘅機會呀！我都覺得我傻傻地呀！