行吓街有平野食

今日放工陪媽咪去銅鑼灣覆診，我地見完醫生之後，見仲有少少時間，所以就去宜家行吓啦！

行左一陣，媽咪就買左幾把較剪，因為媽咪話佢地D較剪好好用，所以次次都買幾把，收埋佢慢慢用，所以攪到屋企成日有好多較剪呀！

當我地走嘅時候，見到佢地有個小食部，佢地D野真係好抵到你唔信呀！一個大熱狗$5.00，爆谷$3.00，仲有雪糕都只係$2.00.....真係好抵呀！佢地D熱狗仲好香，見好多人都食，攪到我真係好想食呀，不過因為約左爸爸食飯先冇食呀！

最後我地都抵受唔住引誘，每人叫買左雪糕食啦！

支雪糕又香又滑，又有好濃牛奶味呀！真係好好味呀！(我好耐都冇食過雪糕啦！)仲好味過7仔同麥當當嗰D呀！最好就係真係好抵呀~~二蚊雞....真係好正呀！真係強力推介呀！

真係估唔到宜家除左買傢俱之外，都仲有又平又正野食呀！