試食：沙嗲軒 - 海南雞飯

1 MARCH 2014(SAT)

今次有幸得到TRY IT嘅試食安排，可以同糖糖去北角城市花園酒店嘅沙嗲軒做試食專員呀~

城市花園酒店我都嚟過幾次，不過次次都係食自助餐，所以都冇試過自助餐以外嘅餐廳。

我地今次係負責試食嘅就係沙嗲軒特別推出Tasting Menu，包括海南雞飯、雞肉及豬肉沙嗲、肉骨茶、星洲蘿蔔糕及馬六甲椰汁西米布甸~

我地BOOK左6:30PM，不過食客就唔算多，整體上環境佈置都好簡約又清靜，座位與座位之間都非常十分寬敞，令我們坐得很舒適~

係佈置方面，值得一題就係種左好多好靚嘅植物，雖然係靚，不過我對依啲植物就興趣不大。但反而糖糖就勁愛，不停影影影呀~

講返正題先，今日我地嘅餐牌~

等左大約二十分鐘左右，我地嘅食物就送到啦。睇個賣相都好似唔錯哦~
開餐啦~

肉骨茶 - 可能我個人比較喜歡飲，所以我又覺得都幾好飲，非常香濃又香材料味，好有風味呢！不過我就覺得完全唔熱，我個人又鐘意飲熱湯，所以依度就扣少少分啦~

星洲蘿蔔糕 - 基本上係由蘿蔔糕再配以雞蛋、蝦、蔥、肉碎等炒成，都可以食得到蘿蔔糕味道，但我又覺得油左啲啲，所以驚喜不大~

豬肉沙嗲 - 肉有一啲乾唔夠鬆軟，所以唔算太吸引。不過個沙嗲醬就唔錯，好香嘅花生味~

海南雞飯 -  海南雞已去骨，食起上嚟都好方便。雞肉都好鬆軟，好滑口，所以都唔錯，只係覺得只有四件好似少左啲，我地女仕們都算可以接受，但男仕一定唔足夠啦！飯質方面，我又覺得比較乾身，同埋味道較淡~

馬六甲椰汁西米布甸 - 依一個可以話係我全晚覺得最驚喜之作，因為真係覺得好好食，西米好有口感，再配上一種類似椰子糖嘅味道，又唔算太甜，真係強烈推介呀~

整體上我覺得整個餐最大問題就係個份量同埋熱度需要關注啲，因為份量真係細左啲，如果一位男仕嚟食，一定唔飽呀！

另外，可以因為係套餐關係，送到我們枱上都已經唔算熱，到我地一道道咁食時，真係餸都凍晒，完全影響食慾啦！如果可以第一道咁送上，等我地可以熱騰騰咁食，相信效果一定好好多呀！