43個月大的小小豬食孖條

10 MARCH 2014(MON)

話咁快又過左一個月，小小豬已經四十三個月啦！

原本打算買到個MICKEY蛋糕仔同小小豬慶祝一吓，不過原來個蛋糕係朱古力，小小豬又唔食得，所以冇得買。

正當以為冇乜特別活動之際，大肥豬就破例俾小小豬食雪條，睇吓個為食豬幾開心~

其實支雪條係早幾日買完餸路過阿波羅見到，一見到支孖條就即刻買，因為大肥豬曾經話過佢細個時成日都食孖條，所以見到就買返屋企等大肥豬懷舊一吓~

一向大肥豬都唔多俾小小豬食凍嘢，尤其係依家咁凍天氣，都一定唔俾啦！不過，話哂今日係小小豬四十三個月大嘅重要日子，所以大肥豬就批准小小豬食孖條開心吓啦！

睇吓個為食豬食得幾開心，仲攪笑到邊話凍但又一邊繼續食呀~

小朋友嘅世界真係好簡單，一支雪條都可以咁開心！不過見到小小豬咁開心，心情都即刻開心哂，依啲咪就係...你快樂所以我快樂！