試用：kid2youth M2 兒童人體工學系列套裝

7 MARCH 2014(FRI)

早係一個多星期前，我幫小小豬收到一份好好嘅禮物，依份禮物其實大肥豬都考慮緊買唔買，所以大肥豬收到都不知幾開心呀！

依一份就係FreeMAX出品嘅kid2youth M2 兒童人體工學系列套裝~

其實自小小豬開始做功課時，我地都已經考慮買張好少少嘅枱俾佢，希望由依家開始好好培養小小豬嘅書寫習慣同坐姿，因為坐姿正確，對視力同脊椎發展都係好重要。就係我地正在考慮時，收到依一份禮物，真係可以話係絕對合時呀！

人體工學椅最特別嘅重點就係椅背上面，因為上面有身高標示，可以配合小朋友嘅身高調整至最舒適的高度~

於腰部位置會有微微的凸起，用嚟支撐腰部，使小朋友的腰脊挺拔、完全乎合人體工學呀~

較啱晒位置，睇吓小小豬坐得幾舒服~

兒童人體工學桌的桌面板用心升級奧地利原裝進口E0 V313低甲醛環保板，具有耐刮、耐磨、耐熱及防潮特性~

仲附有一個鋼珠滑軌櫃屜，小小豬已經放晒佢啲至愛字咭圖書係入面啦~

桌面設有七段式傾斜角度，可以因應小朋友嘅唔同工作，調整適合角度~

桌面仲設有桌墊功能，需要閱讀時就可以升上，書本就可以放係桌子上面啦~

桌腳亦都設有身高標示，亦都可以因應小朋友高度嚟調整~

其實唔好以為再升高張桌子係好困難，其實只要扭動兩邊的旋轉位就可以升高，最高仲可以升到72.5CM，即係可以用好多年啦~

介紹完就等我分享吓小小豬用嘅情況先，其實當收到依套兒童人體工學系列套時，都已經同小小豬講依套桌椅係用嚟做功課同埋學習用。

所以每當我地同佢講做功課時，佢就會自動自覺拎啲功課上書桌，仲乖乖地坐定定係椅子，好專心咁做功課，坐姿都好正確呀~

除左做功課之外，小小豬都好鐘意係桌子上面玩字咭。緊係啦，張桌子咁大張，可以整整齊齊咁放好，同埋最重要係頭同頸部唔洗向前傾，坐姿正確呀~

當小小豬閱讀圖書時，我地會將桌面調整高兩格(大約30度)，閱讀時就可以將圖書與眼睛係水平線上，唔洗彎腰影響坐姿嘛~

最後，我地亦都會將桌面調整至最高，咁就可以等小小豬玩吓油彩啦~

整體上我地都對依套kid2youth M2 兒童人體工學系列套裝非常滿意，尤其係可以因應成長嚟調整，相信都可以用到好幾年呢！

雖然依家擺左係容廳都佔左少少地方，不過為左要令小小豬有一個良好嘅學習環境，同埋培養良好坐姿，所以我地都覺得係值得呀！

 

More information :

網址：http://shop.freemax.com.hk/product-detail_M2-Set.html

FACEBOOK：https://www.facebook.com/FreeMAXhk