SNAPARTY 玩自拍

9 MARCH 2014(SUN)

去影樓玩自拍真係依家嘅時興好玩活動，我地三口子今日又去玩自拍啦！

多謝 Snaparty全新派對式拍照體驗嘅邀請，今次又有得去玩去影靚相，真係啱晒我依個影相控呀~

Snaparty係旺角西洋菜街唐樓上面，坦白講，當我行入大廈時，都真係俾那座舊舊的唐樓令到我有少少驚~

之後帶著戰戰兢兢心情行幾層樓梯再轉升降機之後，踏入Snaparty時，就種驚驚嘅心情結束了，因為入面嘅環境同出面真係好似兩個世界，入面新穎好多~

 Snaparty有三間拍攝房間，佢地安排左我地去可以入兩間房影相，就係工作人員幫我地準備嘅時間，去參觀吓啲道具。道具放晒係同一位置，都好方便呀~

準備好晒就可以入去影相啦！其實我地有去玩自拍經驗，不過工作人員都好詳細咁同我地介紹，仲教小小豬自己用添~

其實同其他自拍館一樣，儀器同佈都都大同小異，不過Snaparty就多左一個功能，就係有音響設備，有線可以連接電話嚟播放音樂，咁就可以邊聽歌邊影相啦~

我地開始影相啦，首先就係入PARTY房玩自拍，小小豬都識自拍呀~

不過，就係因為小小豬玩自拍玩得好開心，全程就掛住玩個搖控話要自己，所以唔多肯乖乖同我地影，真係激C我呀~

想影依個"LOVE"場景好耐，終於可以影到啦，不過小小豬就唔多合作，唔肯望鏡頭呀~

玩左大半個鐘之後，工作人員就帶我地去女神房玩啦！依間房明顯就女性化好多，我又幾鐘意，因為我好鐘意粉紅色嘛！(不過就撞左我地今日套母子添)

先嚟同大肥豬影張SWEET SWEET相先，好耐冇兩公婆影啦，好鐘意依張呀~

之後就同當然同小小豬一齊影，轉左房有一樣嘢好，就係個搖控話係隔離房，所以小小豬就可以專心同我地影啲啦~

不過，事情又點會咁順利呀？正當我同小小豬出去拎道具眼鏡時，當小小豬返入房時，就俾佢見到大肥豬係度研究個搖控，就係咁....小小豬就又做攝影師，佢要自己玩自拍啦~

全日至愛依張，小小豬終於都笑得好燦爛同我影啦~

開開心心咁又玩左一個鐘，基本上我覺得自拍真係幾好玩，價錢唔貴之餘，又可以FREE FREE地自己鐘意點影就點影，所以真係好啱情侣或者一大班朋友嚟影啲開心攪笑相呀！

因為今次只係我地三口子去，冇左小豬媽同LULU妹在場幫手引小小豬望鏡頭，加上小小豬小小豬全程掛住玩搖控同啲波波道具，所以要好好地影啲三口子相都唔得，真係激C我啦！

 

More information :

網址：www.snapartyhk.com

FACEBOOK：https://www.facebook.com/snapartyhk