kawai日本肝油丸

8 MARCH 2014(SAT)

早前我地嘅好朋友仔送左俾我同小小豬，就係既健康又好味嘅kawai日本肝油丸產品呀~

其實我對依個產品都有好深刻印象，成日覺得KAWAI依個棒球小子個LOOK好型仔，每次見到佢啲宣傳廣告，我都會幻想吓小小豬如果著左依套棒球衫，一定好型仔呀...哈哈哈！

講返正題先，小小豬嘅禮物就係日本肝油丸C20，依個含有維他命A+D+C，可以增強抗病能力之外，最適合不愛吃蔬菜水果人仕~

咁即係好啱小小豬，雖然依個為食豬好鐘意食嘢，不過一講起啲菜佢就十萬不願意，我要將啲菜切到細細粒混入啲飯度先肯食呀！

依小小豬嘅年紀，早晚各食一粒，所以每日早晚嘅奶奶之後，佢就會自已去拎嚟食呀~

仲識得自己打開拎嚟食添~

嘩...好味呀~

軟軟嘅果汁味肝油丸，真係成粒都係粒咁，慢慢咀嚼咬感都唔錯，小小豬都不知幾鐘意呀！

小小豬有幾鐘意？睇佢學我同盒肝油丸影相就知啦...哈哈哈~

至於我嘅禮物，就係KAWAI EC美肌維他命，依盒被譽為《美的維他命》，可以滋潤美顏、美白亮澤、平滑細膩、加強彈性、面色紅潤同防止老化，總之就係食左會靚，我當然係好鐘意啦，因為靚係由內到外嘛~

我早晚都要食三粒，雖然好似好多，不過三粒放晒入口，咬咬吓又幾好咀嚼，完全係覺得食緊軟糖咁呀！

依家小小豬又多一個責任，就係每當佢食嘅時候，佢地會幫我準備埋，負責數三粒俾我呀~

我地兩母子都好乖乖，大大話話都食左半個月，已經成為我地習慣，每日必做嘅事啦！