第一次玩滾軸鞋

15 MARCH 2014(SAT)

買左新玩意當然要即刻去踩踩佢啦，所以係返屋企前去附近嘅足球場玩返轉先，著晒成套裝備(仲個護手冇帶，因為著長袖衫覺得唔洗用住)，係唔係似模似樣好有型呢~

上一篇都同大家分享過，其實我地想買滾軸俾小小豬玩好耐，都行過幾間反斗城，不過一直都搵唔到啱小小豬，就係冇預期嘅情況吓，又俾我地買到啦~

依一套比我地之前見到嗰啲仲啱小小豬，除左有齊晒所以保護配件之外~

當然最重要就係對滾軸鞋~

我地之前見過好多滾軸鞋都係一字排輪，如果初學者一定比較難掌握個平行，所以我覺得依對滾軸鞋最好就係以三角輪，咁細細個嘅小小豬玩起上嚟都可以平行好啲，又可以安全啲啦~

落場玩當然係準備著裝備先啦~

首先就教小小豬企定定，捉到個平行點先~

之後就慢慢帶佢行一轉先~

之後大肥豬就慢慢教小小豬玩~

開始識得自己行啦~

識行幾步就扮叻啦~

趺倒唔緊要，努力再嚟過~

請容許我唔知醜咁讚吓小小豬，因為以第一次玩嚟講，教左一次就已經可以自己行幾步，都真係幾叻仔啦~

 

今次小小豬嘅表現真係比我預期好好多，因為小小豬都係一個觀察型小朋友，新事物都要識應一段時間先會去做，加上滾軸鞋對佢嚟講又真係好似難左啲，平日小小豬行路都傻吓傻吓咁，所以都開頭我都估小小豬唔多肯玩。

但又真係估佢唔到肯試又肯自己行，跌倒又會開心笑住嚟話再玩過，所以都真係要讚吓依個百厭豬呀！

雖然小小豬鐘意玩，不過始終都係第一次，所以都係玩左十分鐘左右，等佢玩多幾次熟練啲先再慢慢加長時間啦！