幫指甲扮靚靚

3 MARCH 2014(MON)

繼結婚嘅時候出過去整靚靚指甲，時隔六年有多之後，今日我又去同指甲扮靚靚啦~

其實一向我都好鐘意同指甲靚靚，不過因為平日又要照顧小小豬，唔好話出去整指甲，就連塗吓指甲都唔會啦！

不過，因為糖糖有個好友開左間美甲店，見糖糖整左又幾靚，所以我又去踩踩場幫襯吓啦~

雖然地方都唔算大，不過設備都好齊全呀~

首先就係揀個主底色先，有好多選擇，真係好難揀呀~

由於我唔習慣留指甲，但我又唔想延長啲指甲，所以開頭都有擔心整唔到。不過美甲師朋友話短短地都可以整，只不過可能繪圖個發展空間唔大，所以就開始整啦！

我今次係做SOAK OFF GAL，首先就修修甲，美甲師朋友好專心哦~

先塗BASE，之後就可以塗底色啦~

再嚟晒一晒燈等佢快乾啲~

塗左三四層主色GEL之後，初步完成左啦~

之後就可以開始畫圖案，就係用依啲顏料係我啲指甲上畫啦~

其實依個步驟先係精景所在，因為要係咁細嘅指甲上畫圖案，真係好難呀！我自問真係做唔到，美甲師朋友仔真係好有心機咁同我畫呀~

經過一段都時間，最後塗埋光油，咁就完成啦~

美甲師朋友仔仲幫我設計左我地三口子嘅豬仔圖案，真係勁鐘意呀~

做完GEL甲，朋友仔仲幫我做巴拿芬蠟護理，未做之前手都有啲乾紋呀~

首先就清潔隻手先~

之後就用香薰油按摩手部~

之後就浸上巴拿芬蠟機上面，大約浸五次左右，等待出左蠟膜~

隨即以保鮮包裹再套上手套保溫~

等大約10-15分鐘，就可以脫出手蠟啦~

感覺手部細紋明顯轉淡，而且都覺得好滑手呀~

雖然只係畫吓圖案同做手部護理，依啲看似好簡單嘅工序，原來都用左兩個幾鐘。我同糖糖就有傾有講咁，好似好快過左。不過美甲師朋友仔就辛苦左兩個鐘幫我整靚靚，真係辛苦了！

除左手美甲同手部護理之後，朋友仔依家都全身舒壓按摩及淋巴引流，如果有興趣可以去睇吓呀！

 

More information :

Facebook：https://www.facebook.com/nailimagineconcept