JESSICA BABY - Blogger's Pick

12 JANUARY 2012(THU)

九月時得到JESSICA BABY雜誌嘅的邀請，想我參與Blogger's Pick有關試用愛麗她的用後感。我當然好乖乖咁試用完之後，將我小小嘅感想SEND返俾佢地。
 
過左幾個，都冇收到佢地嘅回覆，我仲以為係我嘅文章寫得唔好，佢地唔打算登出嚟，為免我失望所以唔通知我。

就當係我冇左件事嘅時候，今日LUNCH完行過7-11見到有本雜誌，見個標題係講關於「寶寶睡眠」，所以就買左一本嚟睇~

睇睇吓.....點解有張相咁熟口熟面，原來係我同小小豬張相，同埋我嘅小文章都刊登左係依期度。係完全冇心理之下睇到自己係雜誌出現，個心情真係勁興奮呀~

雖然都只係細細一段唔係寫得幾好嘅文章，不過見自己係雜誌出現，都真係幾開心(哈哈…有少少虛榮心添)，再加上又有一種失而復得嘅感覺，總之係開心啦...呵呵呵！
 
係度真係要再一次多謝JESSICA BABY嘅邀請，希望嚟緊仲有機會可以再嘗試。