大力仕

10 JANUARY 2012(TUE)

天氣凍凍地，最好就係十吓十吓，所以我地今晚就嚟個熱辣辣邊爐夜。

打邊爐又點少得飲可樂，所以小豬媽就買埋一盒八罐嘅可樂返嚟，等佢地邊打邊飲。當然冇我份啦，因為我仲未病好，SO POOR AM I。

依個八卦嘅小小豬係廚房地下咁多袋餸入面，點中左嗰一箱可樂，仲打算拎起去玩。我地見都啲可樂都有返咁上吓斤兩，都估佢拎唔起，所以就冇加以阻止。

點知依隻傻豬仔好似大力仕上身，竟然可以拎得起，仲由廚房行到出廳，之後仲想放上梳化添，真係好攪笑呀~

真係估唔到小小豬可以咁大力，依啲係唔係有得玩嘅威力呢…哈哈！