小小豬都開始大個仔，所以係時候要自己用餐具進餐。
早係上兩星期，我地都已經開始教佢自己食，有時俾啲生果粒粒等佢用匙羹自己食，就係因為依排俾佢自己用餐具，小小豬就以啲餐具係玩具，成日都要我地拎俾佢玩。
前幾日行宜家傢俬時，見到依啲餐具大大隻又色彩多，所以就買左啲俾小小豬，當係玩具咁俾佢玩，依啲兒童餐具都係俾小朋友用，所以我地俾小小豬當玩具玩都應該係安全。希望可以等佢可以從遊戲中學習，訓練一吓佢自己用匙羹叉仔食食物。
今日洗乾淨左餐具，就算放入口都唔會有問題。依個貪新忘舊嘅小小豬以為係新玩具，玩得不知幾開心呀(當然係佢玩嘅時候，我地係睇實佢，所以大家可以放心，唔會有危險事發生呀)~
不過玩時玩，佢都真係識得以正確方式用依啲餐具咁，所以相信玩多幾次之後，小小豬就識得自己食嘢啦！(希望中…..)
沒有留言:
發佈留言