寒冰掌

15 JANUARY 2012(SUN)

放學之後，我地就去醫肚先，都因為落雨關係，所以我地都唔有太選擇，近近地去左太興食個下午茶餐。雖然以下午茶嚟計太興都算係貴左啲啲，不過勝在坐得舒服，唔洗迫迫夾夾咁，所以貴都有道理呀！

係成個下午茶時段小小豬都好乖乖，我俾塊餅餅佢就自己企係度食。不過隨著佢見到大肥豬杯飲完嘅冰鎮奶茶之後，情況就有少少改變。

小小豬用左好多方法去捉摸嗰碟冰，總之就古靈攪笑乜都出齊。最後大肥豬話等佢嘗試接觸不同種類嘅物質，所以就俾啲冰佢摸吓。

開頭都以為小小豬會怕凍只係摸一摸咁，點知...佢一啲都唔怕，仲好開心咁將隻手插嚟插去，好似練緊寒冰掌咁呀~





依個小小豬真係完全唔怕凍呀~
 

雖然我都唔係幾想佢玩啲凍，不過大肥豬又講得幾啱，俾佢接觸唔同嘅物質，感受唔同嘅感覺，都係一件好事嚟，只要我地小心睇住，咁就唔會出事啦！