太陽伯伯出來了

28 JANUARY 2012(SAT) 

等左真係好多日，今日終於見到太陽伯伯出嚟啦！太陽伯伯出嚟，所以我地都唔好浪費個陽光，同小小豬落公園玩一陣。

唔知係唔係好耐都冇落公園玩，一入到公園，依個小小豬就已經好興奮，仲第一時間走去佢至愛個轉轉拼圖玩呀~

玩左一陣，小小豬又再周圍走~

依個百厭嘅小小豬之後就走去玩瀡滑梯，不過就唔係正確嘅方式，係由滑梯低行上去，真係俾佢激C呀~

睇吓佢兩父子幾開心~

落得公園，又點少得玩泡泡。公園入面都有好多小朋友，所以最後個個小朋友都走埋嚟一齊拍泡泡，大家都好開心呀~

小小豬見到同場其他小朋友玩瀡滑梯，所以成日都眼甘甘咁望住，所以我地開始教佢正確咁玩。

開頭仲怕小小豬會驚，點知.....驚嗰個係我，佢越玩越大膽~

想知佢有幾大膽，請睇片~

未坐定就要瀡落嚟，真係佢唔驚我驚呀！所以我都懷疑佢係膽生毛，好似乜都唔驚咁！不過另一個角度睇，我都教左佢兩次就識自己玩，所以有時都唔知係激C定笑C！