靚靚手信

26 JANUARY 2012(THU) 

話說依個新年小豬爸同小豬媽跟旅行團去左番禺玩三日，原本佢地都都同埋我地三口子一齊去，不過因為小小豬仲細，我地都唔放心帶佢上內地，所以今年就冇跟埋一齊去啦！

佢地其中一個目的地就係長隆動物園，小豬媽仲對個馬戲團表演十分讚賞，講到我都心思思想去睇吓。不過我都知短時間內都應該冇機會，起碼要小小豬再大多少少先啦！

佢地係長隆入面，買左份禮物俾小小豬~
 

哈哈.....依件熊貓衫真係勁可愛，今年著就大左少少，估計明年著就一定FIT晒身呀！不過原來依件衫都真係唔平，我自己都未必捨得買，所以話小豬爸真係好錫依個小小豬呀！

就係因為見件衫咁得意，所以今日去SOGO FACE都有著住嚟影左一PART，真係好CUTE，希望影出嚟嘅相都係一樣咁好啦！