小小豬的新年禮物

21 JANUARY 2012(SAT)

今日我地提早同小豬媽食團年飯，嘉汶表妹同姑媽都有嚟一齊食，人多啲開心啲嘛！

不過....今日最開心嗰個都應該係小小豬，因為嘉汶表妹帶左份大禮物嚟送俾小小豬。依個小小豬一見到盒大禮物，我地都未講佢就好似知道係佢咁，爬左上左攬住份禮物啦~

 

嘩....拆左嚟睇，係張兩用枱，可以玩LEGO之外，亦可以反轉另一面做枱俾小小豬平日玩玩具或者寫字用，真係超鍾意(其實大肥豬都想買好耐啦)~

哈哈哈....有新玩具哦，依個小小豬當然好開心咁即刻玩啦~

 

哈哈...依個小小豬又霸佔小豬媽屋企一個空間，不過相信為左小小豬，小豬媽同小豬爸係非常樂意呀！