ToysRus戶外樂滿天@試車記

3 MAY 2014(SAT)

上星期玩具“反”斗城公關姐姐送左禮物俾小小豬(請按此)，今日咁好天氣當然要去試吓車啦~

我地今次試車地點就係我想嚟玩好耐嘅中山紀念公園玩，因為嗰度有一個好大又靚嘅草地，可以俾小小豬任渣車啦！

一去到目的地就已經要自己渣新車車啦~

雖然小小豬一向都有玩開單車，不過兩個輪嘅就真係好少。雖然係屋企都有教佢點玩，不過第一次係草地玩唔多唔少都有啲驚驚呀~

小心翼翼咁哦~

玩左一陣，小小豬自己開始知道個巧妙之處後，就開始好熟練地周圍行、周圍渣啦~

睇佢幾神氣~

初初玩嘅時候都係慢慢細細步咁行，之後山就渣到非常快，等我追唔切佢添~

渣得不知幾投入，小小豬嘅渣車技術都真係進步神速呀~

玩都有晒信心之後，個大膽豬仲學人大大步咁單腳行車添呀~

唔覺唔覺都玩左成個鐘頭車車，估唔到小小豬真係咁鐘意，到走嘅時候都依然要自己渣車，仲話要自己渣車返屋企，真係俾佢笑C呀~

跌倒唔緊要，拎起車車繼續行過~

玩到最後，小小豬仲學識多一樣嘢，就係雙腳齊起~

哈哈...估小小豬唔到，個傻仔玩左一次之後，見自己冇跌倒，都不知幾有滿足感，笑到成個人都傻左咁，仲來來回回雙腳離地好幾次添呀！(唔係我部相機冇晒電，一定可以影到佢個傻傻開心樣呀！)

其實之前都真係有諗過依部單車睇落又真係好似細部左啲，好驚唔太啱小小豬玩。不過經過今次新車試玩之後，我覺得都好啱小小豬，尤其係個兩輪設計，可以用嚟集中訓練小小豬嘅平行力，仲有手腳協調，所以依部除左係玩之外，都係一件好好嘅訓練工具嚟呀！

當然ToysRus「戶外樂滿天」推廣嘅精選玩具又點止一樣呀？真係由陸地玩到水上，總有一件係啱大家呀！

另外，為提供平日工作繁忙的父母一個方便的全天候購物平台，玩具“反”斗城現已推出全新的網上訂購及送貨服務。顧客只需登入網站，然後選擇貨品，並提供送貨資料及付款，玩具 "反"斗城即可於兩日內將玩具送到家中。而顧客亦可選擇於門市提貨，運費全免又省時。另外，顧客凡於網上消費滿港幣 2,500 元，即可享免費標準送貨服務*；而「星卡」會員網上購物亦可賺取「星卡」積分，並享有會員價優惠。

 

More Information :
Website：http://www.toysrus.com.hk
Facebook： http://www.facebook.com/toysrushongkong