Kinseymama's LIFE: 試用：Ladamer維C美白精華及多效BB霜

2014年5月2日星期五

27 APRIL 2014(SUN)

多謝Trillium Beauty Club，早係上兩個星期收到兩支Ladamer品牌嘅試用產品，分別係細胞維C美白精華同埋多效BB霜~

首先真係要讚一讚Trillium Beauty Club嗰位靚女負責人，因為有別於一般試用活動，佢會先了解我嘅皮膚問題之後，再因應需要俾合適嘅護膚品試用。另外，亦都會親自拎啲試用品俾我，目的就係親身向我講解正確嘅使用方法，等我用起上來自然更大信心，佢真係好貼心呀！

坦白講，我之後對Ladamer嘅認識真係唔太多，不過原來Ladamer係韓國專業美容院產品，專利漢方中藥配方ACELL-300(東方草本提取物)配合納米科技，能加強皮膚細胞自我保護能力，令肌膚健康潤澤。

Ladamer 細胞維C美白精華 $569~

Ladamer 細胞維C美白精華，含有高濃度納米技術維生素C，可以令皮膚明亮，清澈，保濕，並均勻膚色。同時亦有助於恢復肌膚的天然活力，免被環境損害。再加上配合Acell-300，可以幫助皮膚吸收。

滴管式設計，易於控制分量~

質地呈淡黃色狀，感覺都好水潤~

輕輕按摩幾吓，就好快便吸收晒，感覺好潤之餘但完全唔會覺得笠~

靚女姐姐話原來維C美白精華最好就係晚上使用，因為維C產品如果一見到太陽，其功效就會打折啦！

依一張就係我兩星期前的驚嚇素顏(希望唔好嚇親大家啦)~

我依兩個星期都好乖乖咁係晚上洗面及用爽膚水後，塗上4-5滴的細胞維C美白精華於臉上按摩，等皮膚慢慢吸引。另外，我亦都係面上的重災區(紅印及豆豆印)，加重少少分量嚟按摩。

我覺得個質感真係唔錯，按摩幾吓皮膚就已經吸引晒(可能我皮膚係乾底)，而且完全唔會覺得笠。用左兩個多星期，我都覺得面上膚色明顯係係均勻左同白左，啲豆豆印都退左啲啲，紅印方面就需要係淡左啲，不過都係仍然需要繼續努力。都係嗰句：美白係要有恆心嘛~

Ladamer 多效BB霜 $220~

平日嘅我都係唔會化妝出街，但始終出街見人都不能太過素顏，所以我都幾鐘意用BB CREAM。簡簡單單咁薄薄咁塗一層就出得街，真係完全啱晒我依啲既懶但又想靚靚嘅人呀，個人靚啲精神啲，做咩都自信心都大啲啦！

Ladamer 多效BB霜有助於肌膚的皮脂平衡，也有利於控制油性皮膚毛孔。主要成分能對肌膚有再生、舒緩及保護的作用，溫和及精鍊配方有助於防止環境污染對皮膚的影響。同時亦能有效地同時阻擋紫外線及其他有害成份的滲透。

質地算幾好，有別於一般BB CREAM咁杰身~

雖然睇個身好似好深，不過推開後都覺得明顯有光澤，都幾自然~

由於Ladamer BB CREAM個防晒度唔算太高，尤其依家太陽咁猛列嘅時間，都需要係用前先薄薄地塗上一防晒打底，之後先用Ladamer BB CREAM。

所使用分量亦唔需要多，小小一點就足夠塗晒成塊面啦~

點點均勻成塊面，之後慢慢推慢慢印~

其實都係幾易推，短短幾分鐘就可以完成啦~

我覺得顏色上左面之後都好自然，唔會顯得太白或者過厚，而且都唔會覺得笠。遮瑕效果方面都幾滿意，我面上的紅印印及黑頭毛孔都可以遮到，而且控油能力都唔錯，我用嘅時候都唔係出好多面油呀！

整體上我都依兩支產品個效果都唔錯，所以我一定會乖乖KEEP住用，我要做靚太呀！

再一次多謝Trillium Beauty Club靚女負責人為我安排依兩支產品試用。

2014年5月2日星期五