搵到啦

19 MAY 2014(MON)

話說之前係BABY KINGDOM都有好多媽媽話係北角有一間香料專賣店，基本上我一至五都係會係北角蒲，當然好想去觀摩一吓啦！

不過，我搵左好多次都係搵唔到嗰間店，但估唔到今日冇意間又俾我行過見到，所以可以八卦一番啦~

嘩...好多香料粉，真係講得出都有呀~

不過，依家係一支支咁賣，仲要只係十蚊支，好抵哦~

有啲大支啲嘅，都係廿幾蚊呀~

其實除左依支香料之外，都仲有好多唔同種類嘅香料買呀~

只係小小一間店舖，我係入面唔覺唔覺都行左廿幾分鐘，續樣慢慢睇，真係樣樣都好想買呀！

我當然唔止攪攪陣，我都有幫襯，買左少少嘢啦~

依包係陳皮粉，店主強烈推介，話可以用嚟沖水飲，煲湯又可以落啲，咁對脾胃好好哦！嗅就覺得好香陳皮味，等我有機會試完再同大家分享啦~

桂皮同香葉，可以整瑞士雞翼啦~

仲有孜然粉同孜然粒，我搵到孜然粒好耐，終於可以買到，下次整土匪雞翼可以加啲孜然粒入去醃，一定好味好多呀~

其實我仲有好多香料粉想買，不過怕買太多返到屋企都係擺埋一邊，所以都係唔買住。既然依家知道係邊度，下次整嘅時候先嚟買都好方便呀！