試做：Lumiere 第二回

23 MAY 2014(FRI)

話說第一次去Lumiere體驗細胞再生療程後(請按此)，整體上效果都唔錯，所以都期待第二回嘅體驗。

原本第二回體驗係安排左係四月尾，不過撞啱嗰段時間小小豬同我分別病左，日期一改再改，Lumiere又非常FULL BOOKING，終於得到細心嘅職員為我安排後，係上星期去做緊緻毛孔療程啦~

一上到去接待員姐姐就好窩心地即刻送上花茶一杯~

等左一陣就可以入房做療程啦~

其實同上次一樣，治療師先為我清潔皮膚，再敷上舒緩膏，再蓋上保鮮紙敷約十五分鐘。治療師仲關上燈等我休息一陣，舒服到我直頭瞓左一陣添呀~

之後就可以係我面頰及鼻子位置進行療程~

第一次做嘅時候，當利用1550nm光學以微細聚焦光束儀器時，都有少少像針拮。不過今次再做就完全沒有拮拮嘅感覺，所以治療師就好順暢咁幫我好快完成左依個步驟啦！

最後敷上保濕舒緩面膜就完成左今次療程~

治療師真係很細心，提醒我好幾次記得療程後一星期要多點敷保濕面膜同埋每日都一定要塗上SPF30以上嘅防曬。

係做完療程第二日，治療師打電話嚟問我皮膚狀況，有冇唔舒服，依個做法真係好貼心呀！

我做完療程後，都好乖乖咁連敷左七日保濕面膜，等啲皮膚快快補水，咁毛孔收細嘅效果就會更加好。

療程後第三日就明顯見到啲毛孔係細左啲啦~

今日都已經係完療程後第十日，面頰毛孔比上一次療程更細緻，皮膚都好水潤，仲覺得滑左好多添呀~

嚟緊六月初就會做第三次療程，見依兩次個效果都好滿意，所以都期待最後一次嘅療程，希望可以做到毛孔細緻到睇唔到呀...哈哈哈！

 

More information :
LUMIERE肌源再生專家的公司
電話：2126 7576
地址：香港銅鑼灣羅素街38號金朝陽中心12樓01-02室 Website : www.lumiere.com.hk
Facebook : www.facebook.com/lumierehk