預祝母親節兼小小豬45個月大

10 MAY 2014(SAT)

今日我地同小豬媽食飯預祝母親節，撞好今日又係十號，即係小小豬又大一個月，已經係45個月大啦~

其實我地都係一家人開開心心咁去酒樓食一餐豐富晚餐，不過唔知係唔係近節日關係，今晚啲餸又確實唔多好掂，唔係太喊就太乾，所以真係唔多好食呀~

食啲咩又都唔係太重要，只要一家人開開心心咁食飯就已經係一件好開心嘅事嚟嘛！

不過，終於嚟到今晚個重點，就係依一個靚靚母親節蛋糕，依個係我細路為小豬媽準備呀~

有蛋糕又點少得為食嘅小小豬，睇佢見到個蛋糕幾開心，仲猛車邊切蛋糕，當係慶祝埋小小豬45個月大啦~

個蛋糕真係好靚，士多啤梨moose蛋糕味道酸酸咁都幾好味，不過就覺得個忌廉多左啲啲，同埋個介指盒裝飾嘅朱古力就真係好睇唔好食，不過等小豬媽可以同小小豬一齊開開心心吃蛋糕，依一種溫馨嘅感覺就係冇價呀！