世界只有婆婆好

17 MAY 2014(SAT)

正當我地三口子係烏溪沙玩緊嘅時候，收到幾張WhatApp相片，原來俾依個暴力嘅小小豬攪到個鼻仔嚴重毀容嘅BUNNY會好返晒呀~

毀容前嘅可憐BUNNY，都真係唔知依個小小豬係點玩嘅，可以攪到BUNNY個鼻爛成咁呀~

其實BUNNY個鼻都爛左有一段日子，不過因為佢係寄居左係小豬媽屋企，所以就比較少理佢，成日都話要整返好佢，不過次次都總係忘記左，所以都依家都仲係爛鼻BUNNY。

小豬媽今日執房時見到BUNNY，話見到BUNNY咁可憐，忍唔住要整返好佢，等個百厭豬下星期返去有得玩~

依個小豬媽真係鍚到個孫加零一，自己身體精神好返啲啲又嚟掛住個孫，做針織嘅工作係好傷神嘛，真係要唱返句：世界只有婆婆好...有婆婆的孩子像個寶！

不過，當我放依幾張相係FACEBOOK時，小豬媽話我好將佢個醜怪嘅睡衣LOOK都放上嚟。但其實我覺得依兩張相都不知幾靚，係我近期見到最有愛嘅一張相，一個為婆婆為左個百厭孫，簡直係愛的表現嚟啦！

所以我一定要將依件事好好紀錄低，等小小豬大個睇返嘅時候都知道，原來小豬媽曾經為佢做過依啲簡單但又勁窩心嘅事呀！