11 MAY 2014(SUN)
係西貢碼頭啲小艇買左啲大大大大粒元貝,當然係用嚟大肥豬最愛嘅煮法,蒜蓉粉絲蒸就係最好啦~
其實啲元貝買返嚟嘅時候,都已經洗走晒啲污衊嘢,所以我都係簡單擦幾吓,洗淨準備就得啦~
粉絲浸軟備用~
因為我想個味出啲,所以用左半個蒜頭嚟啄成蒜蓉~
用牛油起鑊,然後將蒜蓉炒香成為蒜蓉汁~
將粉絲放入蒜蓉汁內,等啲粉絲入味啲~
我就先將少少粉絲墊底,然後係啲元貝面都鋪上一粉絲~
蒸五分鐘就完成啦~
出爐啦~
啲元貝真係好鮮甜,真係可以話入口即溶,加上我啲粉絲又入晒味,所以真係好好食呀!
大肥豬仲話下次有時間再入西貢遊車河,到時再買過啲正海鮮再煮過呀!
沒有留言:
發佈留言