Kinseymama's LIFE: 我們的第一次@爸爸媽媽你好嗎？訪問

2014年5月12日星期一

6 MAY 2014(TUE)

今日都真係可以話係我地三口子嘅第一次，因為十分榮幸可以得到新城廣播有限公司及Peegaboo百家寶嘅安排，我地去左《爸爸媽媽你好嗎？》節目做直播訪問，真係一次好寶貴嘅體驗呀~

早係一個多星期前同節目主持人之一嘅Kelvin哥哥約好訪問日期之後，我嘅心情都已經好緊張。

雖然我地今次嘅訪問內容都係圍繞住我地日常生活，做親子BLOGGER嘅點滴，其實都係啲好簡單同埋生活嘅嘢，不過咁大個女都係第一次做訪問，加上我一向都唔係太識講嘢，所以唔多唔少都驚驚地嘛！

其實開頭我都係一個人去接受訪問，不過始終都係好驚，所以最後經我一整個星期不停游說大肥豬(因為大肥豬話佢怕羞，唔敢上節目)，終於俾我誠意打動左，我地三口子去接受訪問啦！

期待左一個星期，終於到左今日訪問依個重要日子啦~

由於我地早到左，所以等左一陣之後，Kelvin哥哥就帶我地去直播室開始做訪問啦！

係未開始做訪問時，小小豬竟然瞓著左呀！不過咁都好，等我地可以專心咁傾計嘛~

原來直播室就係咁啦~

嘩....依度有好多CD呀~

開始做訪問啦~

坦白講，依成個過程我都真係勁驚...好緊張，全程都係度扮鎮定，所以真係緊張到我連影相都唔識影呀！

所以係節目中途瞓醒小小豬我都冇乜點同佢影多啲相留念添~

我地今日訪問傾過啲咩？如果大家有興趣可以CLICK入嚟聽吓啦！其實係成個訪問過程，小小豬都有兩段時間係有開到咪，所以大家就要留意啦~
https://www.youtube.com/watch?v=LV-v7ImzgRM

特別鳴謝LULU妹幫我錄同剪輯成為依一條片，真係好利害呀！

其實我自己聽返都覺得自己都唔係咁好，一聽就聽得出我好緊張，話晒都係第一次，請大家多多包涵！

不過，真係要好多謝Purple姐姐同Kelvin哥哥，佢地真係好NICE，有佢地帶住我做依個訪問，仲係播歌或者廣告時段不停同我地傾計，令到成個氣氛都好好玩，等我地唔洗咁驚！

今日唯一美中不足就係小小豬ON AIR聲音太少啦！雖然係咁我都好滿足，因為都可以紀錄一吓小小小豬曾經係大氣電波同大家SAY過HI嘛！

唔知仲有冇機會，不過上電台訪問真係既刺激又緊張，心情仲好興奮，一個好好嘅體驗，希望將來都可以有機會去玩啦！

More Information :

2014年5月12日星期一