烏溪沙沙灘

17 MAY 2014(SAT)

其實今日天氣都唔算太好，一早起身都落好大雨，所以開頭都以為又要係屋企渡假依個週末。好在不過到左下午天氣開始好，所以我地又可以開開心心咁出發去玩啦~

我地今次嘅目的地就係烏溪沙，原本係打算三口子嚟BBQ玩吓，不過原來依度個BBQ只係租爐，食物係需要自備，我地又冇預備食物，所以最後都係唔可以BBQ，就改係附近個小沙灘玩啦！

不過錯在錯著，原來烏溪沙沙灘個環境都真係唔錯，雖然啲沙石就大粒左啲啲，不過都好好玩。基本上我地都冇行晒全程，只係係一個小位置玩，依個小小豬都玩到唔捨得走呀！

係我地玩嗰個位置附近，原來係有好多人嚟掘蜆，小小豬又嚟攪攪陣，去攪姨姨嘅摸蜆工具呀~

我地先係沙灘附近周圍行吓先~

係附近見到有好多小艇，小小豬話要坐船呀~

 因為我地原意都唔係打算去玩沙灘，所以真係一樣沙灘玩具我地都冇帶。不過好在在場都有啲小朋友係度，所以借左兩件小玩具俾小小豬玩呀~

我地仲見到小蟹添，俾小小豬觀察一輪小蟹動態後，最後當然係放返小蟹落水呀~

見小小豬玩得咁開心，我又陪佢玩一陣，親子一吓先~

超鐘意依張相，好似好SWEET SWEET咁呀~

繼續開心開水，真係玩到成身都濕晒呀~

個傻豬仔真係玩得好開心呀~

雖然都只係停留左一個位置，不過唔覺唔覺我地都玩左成兩個幾鐘，依個豬仔仲玩到內內外外都濕晒。好在我習慣每次出街都一帶定多套衫換，如果唔係都唔知點算，小小豬一定冇得落水玩呀！

其實烏溪沙沙灘都真係幾好玩，個VIEW又靚，唔怪得小小豬玩到唔願走啦！

不過，其實又真係幾多嘢玩，等我地下次帶齊裝備，去試吓掘蜆先得。所以如無意外我地好快會再嚟玩過呀！