Kinseymama's LIFE: 百家寶BB購物展開幕禮

2014年5月13日星期二

9 MAY 2014(FRI)

繼星期二我地三口子一齊參與新城電台訪問之後(請按此)，今日又再有一個新挑戰，就係出席「百家寶BB購物展暨兒童全方位學習博覽」嘅開幕禮，成為新城電台節目「開心家天下」嘅直播訪問嘉賓之一呀~

坦白講，我依一個師奶仔，可以一星期參與到兩個電台節目嘅直播訪問，依個機會真係好難得，所以我真係覺得十分榮幸，可以得到新城廣播有限公司及Peegaboo百家寶嘅邀請，我先可以參與依次活動呀~

開幕儀式都是由新城電台知訊台負責，由「開心家天下」現場直播依個活動啦~

一向我都係驚驚青青嘅人，心情又點會唔緊張呀！雖然話都係人生第二次電台訪問，但上次有大肥豬同小小豬陪住，加上又係間錄音室入面，所以心理上好似冇咁驚。但今次個場地咁大，又要係係台上面，感覺隆重好多，更加驚好多。好在，我地今次係四位親子BLOGGER MAMA一齊做訪問，有佢地陪住都冇咁驚呀~

開幕禮開始，思敏同范振鋒就係大會司儀啦~

簡單而隆重嘅儀式，BB展正式開始啦~

之後就開始一連串嘅訪問環節，有兒童心理學家為我地講解選擇課外活動時要注意事項~

BOB係依個BB展嘅活動大仕，當然唔可以少左佢啦！雖然佢唔可以親身同我地分享佢對囡囡上興趣班嘅點滴，不過都錄左片段同我地分享呀~

中國好聲音Simon~

JJ賈曉晨，佢真人真係好瘦呀~

之後就輪到我地BLOGGER MAMA接受訪問，其實我地嘅訪問內容都係圍繞講吓寫BLOG同與小朋友相處，大家每人講一陣，話咁快就順利完成啦~

如果大家有興趣想聽吓我地嗰日傾過啲咩，可以CLICK入嚟聽吓啦~
http://youtu.be/c9oU6UxaZ4k

哈哈哈...睇我就好似好淡定，不過其實我都真係驚驚地呀！不過，傾傾吓大家有講有笑，越傾越唔驚，仲係一個好開心愉快心情完成啦！

節目完結之後，我地媽媽們仲傾左一陣小朋友升小一準備經添。不過，因為小小豬前一晚都仲係發緊燒，所以我都只係留左係BB展行左一轉之後，就返屋企照顧小小豬啦！

今次依一連兩次嘅直播訪問，真係可以話係我人生好好嘅體驗，所以要再一次多謝新城廣播有限公司及Peegaboo百家寶嘅安排！

More Information :

2014年5月13日星期二