蠔油冬菇炆乳鴿

19 MAY 2014(MON)

今日煮左一個我地全家上下都好鐘意嘅餸，亦都係因為依個餸，我地今晚又嚟齊齊整整開開心心咁食飯。

係咩餸咁利害...咪就係蠔油冬菇炆乳鴿~

首先當然係洗淨乳鴿，其實我都幾驚佢地個頭，為避影響我一陣嘅情緒，所以先嚟切左佢~

冬菇浸軟，然後去蒂備用~

滾水將乳鴿拖水，唔洗好耐，大約三至四分鐘~

燒熱油落薑片，炒香後落乳鴿~

乳鴿煎到金黃色後，加少少老抽~

然後加入冬菇炒香佢~

加入蠔油~

最後加水，水唔洗加太多，大約去到半隻乳鴿位置就可以啦~

燜大約20分鐘左右，係炆嘅時候要間唔中攪吓個乳鴿同埋要反轉吓，咁先唔會燶底，同埋乳鴿兩邊色先會均勻呀~

 等個汁杰身就可以啦~

炒好生菜做底~

將乳鴿斬件排靚靚放上去~

冬菇連汁一齊淋上面，一碟勁好味嘅蠔油冬菇炆乳鴿就完成啦~

看似好複雜，但煮落都好似好簡單，見大家食得咁開心，又真係幾有成功感呀！

其實依個做法都可以用嚟炆雞翼、排骨或者係鴨掌，有好多變化呀！