期待 SeeWide香港玩樂指南 Ｘ Mr.X 密室逃脫體驗館免費挑戰體驗之旅

24 MAY 2014(SAT)

早前SeeWide香港玩樂指南 Ｘ Mr.X 密室逃脫體驗館舉辦左免費挑戰體驗之旅，貪玩師奶仔嘅我當然都申請埋一份，非常榮幸地被選中，可以約埋屋企人一齊去玩，真係未出發先興奮呀~

Mr.X 密室逃脫體驗館於2013年正式成立，為香港首間大型及專業密室逃脫遊戲場所，擁有逾二萬呎的活動空間，更分上下兩層，場內設置6個不同主題密室，而每間密室佔地平均超過一千呎，設置超過10個謎題。

Mr.X 所設的6大主題密室，包括：終極審判、天使島、集中營、光明之書、黃博士的時光機及惡魔島，所提供的不單單止於遊戲性質，更可訓練玩家的推理、邏輯、組織、數理、觀察、團體精神及人際溝通技巧等能力~

場內的密室佈置專業認真，更特別邀請日本設計師精心設計機械化道具，並引進多媒體交互影像與高科技視覺效果，徹底地把高科技機械化與遊戲結合。密室內的多種原創機械化道具包括: 一比一的金庫門、緊密的紅外鐳射陣、全鋼鐵結構的移動閘門等。等我地無論在視覺、聽覺及觸覺方面，都有置身密室的感覺！ ~

Mr.X 最新嘅宣傳短片，睇完即刻好想快啲入去玩呀~

其實我睇介紹見到都有一間密室係簡單啲，好啱家長同小朋友一齊玩，嚟個親子活動嘛！不過，小小豬又真係細個左啲，都曾經有一絲衝動想帶埋小小豬去，不過始終都係怕佢驚黑，所以都係唔帶，等佢大個啲再帶佢嚟玩啦！

我已經約好左六月七日同埋細路細妹一齊去玩，係玩剌激遊戲之餘，仲可以嚟個家庭樂。我地好耐冇試個幾姊弟妹一齊去玩，所以我都真係勁期待呀！

其實我都係因為好姊妹糖糖介紹，先開始係SeeWide香港特搜分享文章~

SeeWide香港特搜網是一個以玩樂消閒為主的生活網站。網站內除了有大量的精彩攻略文章外，更有「探險熱點」搜羅全港的玩樂消閒好去處。週末假期未有節目？正在尋找拍拖浪漫好地方？又或一家大細希望來一次親子之旅？SeeWide 特搜網都可為你帶來最豐富又齊全的資料。有時我都會參考依啲資料，計劃帶小小豬去邊度玩呀~

SeeWide的內容題材都涉及生活消閒的不同範疇，除了遊山玩水外、烹飪、運動、旅遊、藝術以至是美容等等的資訊都應有盡有！ SeeWide 的宗旨，就是希望所有到訪的網友都能看得遠一點、看得闊一點，為自己的生活打破框框, 名乎其實地「See-Wide」，並發掘到更多生活樂趣~

大家有興趣，不妨可以係SEEWIDE開多一個平台，多一個地方分享更多開心事呀！

如果大家成功成為SEEWIDE嘅探險家，記得追隨埋我呀(請按此)~

More Information :

SeeWide香港特搜
Website：http://www.seewide.com/index.php
Facebook：https://www.facebook.com/seewide.hk?fref=ts

MR.X真實版密室逃脫遊戲
Website：http://www.mrx.com.hk/index.aspx
Facebook：https://www.facebook.com/mrxhk?fref=ts

試用：B.liv 活性炭面膜 & 磨砂洗面凝露

24 MAY 2014(SAT)

首先要多謝B.liv嘅試用安排，等我又可以掹車邊扮吓BEAUTY BLOGGER同大家分享吓早前試用嘅兩件產品啦~

Absolute Matte 純潔透淨 活性炭面膜~

Absolute Matte是B.liv最新推出嘅產品，主要功效係控油+ 深層潔淨+清爽保濕。在深層潔淨的同時，又可以以擺脫夏日油脂污垢容易積聚於毛孔，帶來滿臉油光。同時亦為肌膚補充水分，讓肌膚感覺更幼嫩。肌膚可以清爽透氣， 自然更白淨透潔，真係一塊集三個功能嘅面膜~

依三塊面膜我就隔晚使用，將面膜敷在洗淨後的臉上30分鐘，之後就將留在面上嘅精華液輕輕按摩，等皮膚慢慢吸收。

一敷上面已就已經覺得冰冰涼涼的好舒服，真係好啱依家夏天使用。但唯覺得面膜的剪裁比較細，上額頭及鼻頭位置都敷得唔太全面，如果可以改善埋咁就非常冇得頂啦！ ~

用後個效果都唔錯，感覺好清爽舒服，水潤度都很足夠，皮膚仲覺得好滑添。因為我本身係屬於乾性皮膚，平日都唔太出油，所以控油方面就暫時未能作出比較~

B.liv squeaky clean 清新控油 磨砂洗面凝露~

B.liv磨砂洗面凝露能洗去多餘油脂，更可清除老舊角質。產品以生物科技研發，以天然成份配製，能使肌膚死皮軟化，令毛孔有效地擴張，並排走多餘油脂。一支產品已集齊潔膚、去角質及控油的多種功效，連台灣電視節目<女人我最大>都大力支持同推介。

磨砂係綠色啫喱狀~
綠色係因為加入了薄荷精油，用於調理不潔、堵塞的肌膚。而且清涼的感覺，更能收縮微血管、舒緩發癢及發炎的肌膚。磨砂粒子真係細到睇唔到，但推開時就會感受都磨砂的感覺，可以舒舒服服為皮膚磨走啲老舊角質~

一星期使用磨砂洗面2次，使用時按出適當分量於微濕的手掌(大約按兩次就可以)，之後搓至起泡，然後輕柔地向上打圈，適度按摩後以清水洗淨拭乾~

可能因為薄荷精油關係，所以係面上按摩時會覺得冰冰涼涼，係依家依個炎熱天真係非常舒服，而且用後都唔會覺得好"猛住猛住"，仲覺得好乾淨添。

有一點係值得讚一讚B.liv，因為佢地有14天原銀奉還保證，可見佢地對產品的信心和重視顧客的感受~

 

More Information :
Website：http://www.cellnique.com/bliv/
Facebook：https://www.facebook.com/bliv.cellnique?fref=ts

三眼仔夾夾機

23 MAY 2014(FRI)

小小豬仲乜咁開心，知唔係可以帶佢恨左好耐嘅三眼仔夾夾機返屋企慢慢玩啦~

其實好耐之前小小豬係APM都見過依部三眼仔夾夾機，剛好嗰時有部SAMPLE，所以小小豬即刻走去玩，仲玩到唔願走添。

自嗰次之後，每一次去APM時，小小豬都一定要求去搵三眼仔，不過每次去LOG-ON都搵唔到，所以一直都冇機會再玩啦！

就係依個時候，收到好友依份禮物，唔止小小豬，就連我都不知幾興奮，一見到就即刻想拆嚟玩啦~

好靚嘅夾夾機呀~

朋友仔仲好細心，幫我地準備埋電芯，所以小小豬一打開就可以即刻玩啦！

睇吓佢幾專心咁夾~

睇吓點先~

夾到之後幾興奮~

之後繼續努力~

哈哈...小小豬夾到個三眼仔時真係笑得好開心，好耐都冇見佢笑得咁燦爛啦~

邊笑邊夾，真係睇見佢咁開心，就連我都開心埋一份呀~

夾晒啲三眼仔時個樣幾得戚~

其實我真係覺得依部夾夾機唔錯，可以係玩之際同時做到啲小訓練，因為我見小小豬夾三眼仔時都真係好認真咁對住啲三眼仔位置嚟夾，好專注望住啲三眼仔，絕對唔係亂按一番，玩多啲對專注力同埋手眼協調都應該會有幫助。

不過我覺得最大幫助就係可以訓練小小豬嘅耐性，因為夾公仔依啲嘢都真係冇可能一次就夾到，小小豬夾依六隻三眼仔都用左差唔多大半個鐘。不過係依半個鐘入面，就算夾唔到都冇放棄，仲好專心咁夾，就算夾唔到都冇忟憎，只係講佢句口頭襌『加油、努力、俾心機』。

除左夾三眼仔之外，搵機會可以換啲糖或者其他小玩意俾小小豬夾，咁就可以KEEP住繼續玩啦！

非常多謝好友送俾小小豬依份大禮物，有得開開心心咁玩又可以做啲小訓練，等小小豬可以從遊戲中學習呀！

芝士蝦煲

23 MAY 2014(FRI)

今日又嚟食平DD，因為跟肥媽整左芝士蝦煲呀~

其實今日係小豬媽提意煮依個餸，因為佢好多FACEBOOK朋友仔都整左，個個都讚口不絕話易整又好味，所以攪到佢又心思思想試整。

就係因為依個原因，我地買齊晒材料一齊整啦~

首先洗乾淨啲蝦，然後剪晒啲腳仔同鬚，等一陣食嘅時候可以方便啲~

蝦身開少少邊，方便清潔啲蝦腸同時又可以等一陣醃時入味啲~

用海鹽及胡椒粉醃蝦大約半個鐘~

落油用鑊煎熟啲蝦(大約七成熟啦)~

先燒熱個煲，然後將所有蝦放落去~

加入牛油~

一茶匙麵粉~

大量胡椒粉~

落上湯，啲上湯唔洗太多，蓋到啲蝦身就可以啦~

少少紹興酒~

最後加入芝士，我地落左六片芝士~

煮溶啲芝士，等個汁收杰身少少，咁就可以食得啦~

一個勁好味芝士蝦煲就完成啦~

其實我覺得個餸蝦都係次選，個汁先係主角，因為有好香嘅芝士味，真係好食呀(可以係我個人鐘意食芝士汁啦)！除左用嚟煮蝦之外，依個汁如果用嚟整意粉，應該都有唔錯嘅效果，等我搵機會又試吓先。