開心齊玩 We嘩! 黃金嘉年華

1 OCTOBER 2014(WED)

多謝We嘩! 充氣嘉年華公關姐姐嘅邀請，今日我地三口子去黃金海岸，俾小小豬瘋狂去放電呀~

其實我都有一段幾長時間冇入過去黃金海岸，還記得對上一次入嚟都應該係新婚嗰年新年時間一家大小入嚟玩，所以都真係N年冇入嚟啦！

其實有一刻我會覺得黃金海岸個地方都冇上幾次嘅地方咁方便，所以我都估計今次都應該唔太多人，可以大玩特玩啦！不過，我供個如意算盆打唔響，我地十二點左右入到嚟，都已經好熱鬧，好多人呀！

一入到會場，小小豬已經急不及待要去玩「變色龍世界」~

依啲咪叫做未出發先興奮，只係排隊玩都可以咁開心~

排左大約十五分鐘就可以開始玩啦~

哈哈..雖然我地睇唔到入面玩嘅情況，小小豬佢係入面彈得好開心，仲同我講"SIR"左十次呀~

就係因為佢玩得太開心，小小豬要求再玩，好在當時都唔算太多，加上又有大肥豬依個排隊專員幫小小豬排住等，所以小小豬係半個鐘玩左三次呀！

之後大肥豬就幫手去排「We 嘩！抓抓樂」，我就同小小豬去玩兩個小攤位遊戲~

哈哈...時間剛剛好，開始玩「We 嘩！抓抓樂」~

玩完依個遊戲之後，唔係小小豬攰，係我同大肥豬都攰攰地，所以我地去左附近麥當當食少少嘢，等我地叉叉電先。

叉完電就先俾小小豬玩啲文靜少少「We 嘩！藝術廊」，就係去做手工啦！就係我地等位入去砌屋仔時，我地見到大仁一家，小小豬仲同哥哥影返張相添~

都真係唔係好明白，平日小小豬都唔多鐘意做小手工，不過佢又非常鐘意砌屋仔，仲可以砌得好專心同好有耐性咁完成，真係有少少估佢唔到，睇嚟之後我都要買多啲依啲小手工俾佢先得啦~

之後我地就JOIN埋大仁同埋佢朋友一齊玩「We嘩! 水上飄」~

因為之前都睇過啲朋友介紹話好好玩，所以我都好想親身感受一吓依個刺激遊戲。不過小小豬話要大肥豬陪，所以我冇得玩，即刻有啲失落呀~

睇見佢玩得咁興趣，係個水上飄入面好開心咁轉轉轉，確實令我有點羨慕呀~

原本小小豬都想玩多一次，不過因為人流太多，所以截左龍了，睇嚟今次我同水上飄都係冇乜緣，希望下次可以再玩過啦！

三位小朋友之後就一齊去玩「海豚沖天梯」~

小小豬"SIR"得不知幾開心~

當我係個滑梯出口等小小豬時，等左好耐都唔見佢"SIR"落嚟，原來佢係入面不停跳跳跳呀~

玩左一輪興奮遊戲，又係時候玩啲文靚少少，就係去「We嘩! 閃身紋身」。小小豬話佢係男仔，所以揀左個波波紋身~

開始紋啦~

哈哈哈...小小豬都不知幾鐘意個波波紋身，仲叫我千其唔可以洗甩佢添呀！

小朋友們又一齊去玩「We 嘩！抓抓樂」，今次有啲朋友仔一齊玩，小小豬明顯投入好多呀~

又再一齊去挑戰「變色龍世界」，真係多謝大仁，因為佢行左去二樓幫我地影低小朋友係入面玩嘅情況呀~

玩埋依個遊戲之後，佢地兩父子都冇乜能量，所以我地三口子就先離開依個咁開心嘅地方，不過其實我地都已經係黃金海岸玩左五個幾鐘啦~

雖然今日排隊時間比玩嘅時間多，不過有朋友仔一齊玩，小小豬都話好開心，仲問我幾時可以同哥哥姐姐再一齊玩呀！

 

More information :

主題 : We嘩! 黃金嘉年華@黃金海岸商場
日期 : 10月1至5日 (星期三至日，一連五日)
地址 : 黃金海岸商場 (青山灣青山公路1號香港黃金海岸)
時間 : 上午11時30分至下午6時30分
Website： www.wewaland.com
Facebook：https://www.facebook.com/WeWaLand