哈囉喂鬼怪大影城

4 OCTOBER 2014(SAT)

之後見朋友仔去左海洋公園玩哈囉喂，見佢同左好多哈囉喂多啦A夢影相，攪到我都好想入去影返轉呀！

當知道MEGA BOX萬勝節佈置左『哈囉喂鬼怪大影城 』，有哈囉喂版嘅多啦A夢嘅出現，我就當然唔執輸，帶埋小小豬去影返轉啦~

今次依個『哈囉喂鬼怪大影城 』展覽就設係地下，分別以「多啦A夢法哈囉喂派對」及「東瀛魔界遊」為主題，有啲哈囉喂打扮嘅卡通人物俾我地影相。

其實話就話係哈囉喂，不過啲公仔一啲都唔恐怖，所以我同小小豬一見到就即刻衝去影相啦~

同完單眼鼓&傘妖影相之後，當然係唔少得同多啦A夢、大雄、靜香啦~

其實我都好鐘意多啦A夢，所以見到都真係人都特別開心。不過如果在場佈置可以加埋胖虎同埋小夫，咁就齊齊整整可以一齊玩哈囉喂啦！