Kinseymama's LIFE: 試食：資優樂健康軟果

2014年10月7日星期二

5 OCTOBER 2014(SUN)

謝謝公關姐姐邀請，最近小小豬食到「Body-SOS寶健先鋒」出品嘅「資優樂健康軟果」。

有得食之餘仲見到至愛嘅MICKEY，小小豬又點會唔開心呀~

其實我一向都唔會俾太多糖小小豬食，一嚟驚食得太多甜食對身體唔好，二嚟又怕食得多糖會影響小小豬個正餐食量，影響胃口就唔好嘛。

不過，將心比己，一個小朋友又點可以唔食零食呢？所以我平時都只會係等小小豬乖嘅時候俾幾粒佢，當係一個獎勵，加上我對零食都幾揀擇，所以小小豬食嚟食去都係得嗰幾款呀！

今次試食依款「資優樂健康軟果」由迪士尼公司認可推出，適合3-12歲小朋友食用嘅兒童保健品~

由加拿大製做，天然、無糖~

而且蘊含5A奧米加的6種元素，包括DHA、EPA、DPA、ALA、PGE3A及Squalene角鯊烯能幫助小朋友大腦及身體發展及增強免疫力，同時亦可提升小朋友6Q呀~

經加拿大食物檢定局檢定，更獲加拿大食品藥品局批為保健品證書，睇到依啲都可以話係信心保證，令我都安心俾小小豬食用~

一盒有15包「資優樂健康軟果」，每一包裝以一個迪士尼卡通人物做主角，好可愛呀~

一包「資優樂健康軟果」內付有4粒軟糖，每粒都會以米奇朋友為造型，而且有三種唔同味道顏色和味道。而且4粒軟糖= Omega-3(4片吞拿魚)+維生素B12(4片牛肉)+鈣(半杯牛奶)+維生素C(1個橙)+維生素D3(6隻蛋)~

當然係未俾小小豬試食之前，我自己都有試食。整體上感覺都唔錯，我覺得個口感就好似我地平日吃橡皮軟糖，煙煙韌韌但又唔會黏牙。味道方面就係天然嘅果味而且一啲都唔覺得甜添。

睇佢食得幾滋味就知佢有幾鐘意食啦~

我都係不定時咁俾小小豬食，當佢可以做好寶寶時，就可以有一包當做一個獎勵啦！依排做小小豬做功課時都特別專心同快手，可能係因為佢實在太鐘意食關係，所以諗住乖乖地做晒就可以有獎品啦！(有依一個推動力，做事上嚟都特別落力啲，都未嘗唔係一件大好事嚟呀...哈哈哈)

依家小小豬零食購買名單可以加埋依一款「資優樂健康軟果」啦！

"是次產品由Body-SOS寶健先鋒提供"

2014年10月7日星期二