FROZEN彩妝系列

22 OCTOBER 2014(WED)

由上半年開始，FROZEN可以話係大熱，無論你行去邊，都會見到大大少少嘅FROZEN產品。入到迪迪尼依個風就仲利害，因為行到邊到見到Queen Elsa 和Princess Anna，真係好勁呀！

鐘意FROZEN唔止小朋友專利，其實我都好鐘意呀，今次真係超級興奮，因為我都可以擁有一系列 FROZEN彩妝啦~

首先真係非常多謝我嘅好友，佢知道我鐘意FROZEN，所以就送左依系列彩妝俾我。見到咁靚嘅彩妝系列，所以都同大家分享吓啦！

其實依一系列FROZEN彩妝系列係由韓國品牌PERIPERA與DISNEY合作推出，產品包括有眼影、眼線筆、唇彩、粉餅及指甲油。

五色眼線筆組合，一SET五支眼線筆，仲附有小刨添~

顏色都幾大路，包括黑色、啡色、紫色、葡萄酒紅色及香檳金色，總有一支啱心水~

水亮PRIDE UP粉餅~

有兩個色系選擇，我嘅就係2號色，另外佢仲係SPF50 PA+++，防曬一流呀~

與BB cushion嘅用法都係一樣，用粉撲輕按就可以用啦~

雪白PRIDE UP粉餅~

同樣都係有兩個色系選擇，我嘅就係2號色。依款防曬就只係SPF25，不過係冬天都應該夠用呀~

打開盒就可以見到可愛嘅小白，其實唔止蓋子有，就連粉餅上印有小白，咁靚又真係點捨得用呀~

TAP TAP 眼影~

眼影分別有2款顏色選擇，以紫色系同橙色系為主，我個人就比較鐘意Queen Elsa系統，因為我勁鐘意紫色眼影呀~

MAGIC GRAM唇彩~

唇彩方面我就比較鐘意Princess Anna，橙橙地好似幾自然哦~

閃亮指甲油~

三種唔同顏色嘅指甲油，內仲有啲閃閃片，真係啱晒浮誇嘅我呀~

其實我個人都真係好少化妝，所以都好耐冇買化妝品，雖然唔係成日化妝，不過間唔中都要去吓活動要扮吓靚靚先得嘛！

依家有依一系列咁靚嘅FROZEN彩妝系列係屋企看門口，下次可以扮靚靚去街街啦！(但其實咁靚，真係好唔捨得用，我想都係珍藏算了吧...哈哈哈)