八月十日就係小小豬生日嘅重要日子，嗰日已經安排左個好節目同屋企人一齊慶祝。
原本都好想叫埋好錫小小豬嘅朋友仔嗰日一整嚟開生日會，不過屋企又唔係大，又唔可以容納咁多人，所以我就決定分開兩日，等小小豬又可以開心多一次嘛！
因為有蛋糕食嘅小小豬係特別開心呀~
今日我請左兩個好姊妹糖糖同小肥肥，仲有一個住係對面座嘅舊同事同埋佢個小朋友一齊嚟開小型生日大食會PARTY，好多嘢食呀~
有我近期成日整嘅光波炸雞翼~
白汁蜆肉火腿意粉~
啫喱卷~
糖糖自家制嘅雞蛋布丁~
仲有幫我手整光波酥皮腸仔~
外賣壽司~
生日會又點少得生日蛋糕，我去美心買左個新出嘅水晶士多啤梨慕絲蛋糕，開頭我仲面頭那層係啫喱，點知原來係大菜糕，即刻覺得好失望。一嚟我係唔食得大菜糕，二嚟擺一陣就已經開始溶，真係唔係幾好呀！不過好在入面嗰層嘅慕絲都幾好食，又唔算太甜，所以都算佢合格啦~
好啦....唱生日歌、吹蠟燭啦~
以前叫依個心急豬乖乖咁定定地唱生日歌，都真係一件幾難嘅事，因為佢一見到個生日蛋糕就已經勁想食，仲成好狼C樣咁。不過今日見佢可以咁乖又定嚟唱，仲要唔止唱一次，依個小小豬真係叻左好多呀！(起碼有美食當前依然可以定定，睇見到真係好開心呀！)
開開心心食大餐，請重點留意小小豬個為食樣~
食飽飽又嚟再玩過~
小小豬今日大豐收，睇吓佢有幾好多禮物，多譏糖糖、小肥肥同埋軒軒MaMa~
我都有份呀，多謝小肥肥送俾我今年度第二份生日禮物~
哈哈哈...有小朋友一齊唱生日歌真係特別開心，就連開心到我地三口子冇合照添。不過唔緊要，有小朋友陪小小豬一齊影相，都係另一種快樂！
其實今日又點止咁少相，依幾張係可以CUT左小朋友，我先放上嚟，我仲拍左佢地唱生日歌時個開心樣，不過唔方便放上嚟呀！(不過如果有興趣，可以上FACEBOOK睇呢...哈哈哈)
沒有留言:
發佈留言