MIKIKI的藍精靈

4 AUGUST 2013(SUN)

今日同大肥豬屋企人飲完茶之後，我地三口子就轉戰MIKIKI，因為有好多藍精靈等緊我地呀~

其實自從上次參加完麥當勞藍精靈2開心體驗日之後，小小豬都已經同藍精靈FRIEND左，行行吓街見到藍精靈2張電影POSTER都會停一停，望一陣先走，所以見MIKIKI有藍精靈佈置，所以就帶小小豬去玩吓啦！

睇吓小小豬同精靈爸爸幾好朋友，直頭唔願走呀~

當然唔止影一個咁少啦~

好鐘意啲1:1嘅藍精靈呀~

場內仲有少少過往藍精靈所推出嘅精品展覽呀~

其實依個商場都幾大，不過只係佈置左依一個位置，我覺得都係算少。如果係唔同位置都有差唔多嘅展覽，或者擺放一個公仔就好啦，我地又可以影多啲嘛！

開頭都以為依個商場交通唔太方便，所以都唔會太多人，不過一去到真係見到好多人(慶幸就冇朗豪坊KITTY咁誇張)，影每一隻公仔都係要排幾分鐘先影到。

好在小小豬今日都算乖，肯同我定定地影相，只係臨走時開始扭眼瞓先忟憎樣，所以我先可以影到藍精靈呀！