今日下午我地陪完小豬媽去睇中醫之後，食完個下午茶出嚟，見到對面某銀行門口有一隻麥兜公仔企左係度，一向貪玩嘅我地當然即刻走埋去八卦一吓啦！其實我地都唔係想知佢做啲乜宣傳，只係想知道可唔可以同麥兜影相。
哈哈哈....原來係可以影，當然即刻影影影啦~
原本影完幾張就打算走，不過小小豬完全唔捨得麥兜，不停話想同豬豬影。見佢咁難分難捨樣，加上又冇其他途人係度影，所以我地就行返轉頭，等小小豬同麥兜影吓啦~
小小豬都不知幾肉緊，仲差啲推跌麥兜添！我地平時都冇乜係小小豬面前提起過麥兜，又估佢唔到咁鐘意麥兜哦！
哈哈哈...唔知下次有冇機會見吓其他公仔呢？
沒有留言:
發佈留言