小驚喜

19 AUGUST 2013(MON)

話說有一晚我約左好友食生日飯，留左佢地兩父子係屋企博鬥。

據大肥豬講，嗰日小小豬係窗望到樓下有好多人排隊，所以佢地又落去八卦埋一份。原來嗰日屋苑樓下有得影証件相，九蚊影一打相，大肥豬話見留係屋企又冇嘢做，加上見樓下又有好多小朋友排隊影相，所以就同小小豬排隊影埋一份，等小小豬練習一吓排隊之餘，又可以同小朋友玩吓啦！

聽大肥豬講，係影嘅過程三分鐘都冇，加上又係隨意咁去影(相信都係冇著靚仔啲啦)，所以對依啲証件相我都冇期望。

終於等到今日可以去拎相，點知一睇，真係有少少驚喜，小小豬影得又唔錯哦~

只係三分鐘時間，就影到小小豬咁正經醒目，又肯望鏡頭，好利害呀！不過，其實我有少少疑問，張相有冇執過呢？因為真係得小小豬特別靚仔呀....哈哈哈~

專業即係專業，都唔知點解之前係屋企同小小豬影成個鐘都冇乜啱用，三分鐘就可以咁好。最衰校服未有得拎，如果嗰日著埋校服影，咁就真係FIT晒，到時唔洗要煩過啦！

不過話時話，唔知點解訂左套校服要成八月二十八日先可以返去拎，拎完校服過幾日就要返學，都真係幾急，唔知洗唔洗得切添呀！