小小豬三歲啦

10 AUGUST 2013(SAT)

打尖...打尖...打尖....仲有好幾篇網誌排隊準備出，
不過依一篇一定要打個尖先，因為今日係一個非常重要日子，
因為........今日係小小豬生日.......三歲仔啦！

HAPPY BIRTHDAY TO YOU
HAPPY BIRTHDAY TO YOU
HAPPY BIRTHDAY TO 小小豬
HAPPY BIRTHDAY TO YOU

我希望我依個心肝椗可以繼續健康快樂咁成長，

快啲改晒啲扭計壞習慣，
(其實我知小小豬已經不斷進步中，不過等我貪心少少，
希望可以快多少少啦)

做一個人見人愛嘅小朋友，

繼續可以得到更多人嘅愛錫。

最重要係九月轉新學校，返K1可以順順利利，

日日都係開心快樂天！


早係前幾日(八月七日星期三)就係小小豬嘅農曆生日，往年我地係小小豬農曆生日都會同埋公公婆婆有啲小攪作，一齊同小小豬慶祝。

不過今晚小小豬有姑娘嚟同佢上堂(訓練一吓佢嘅專注力...等等)，為左令小小豬可以專心又安心咁上堂，所以都冇約小豬媽一齊，所以都係三口子簡單咁過。

原本都打算買個小蛋糕仔同小小豬三口子嚟個小慶祝，不過大肥豬話過兩日又到小小豬新曆生日，到時又可以同大家一齊食個靚蛋糕慶祝，之後就分別到小豬爸同我嘅生日，所以都真係有好多切蛋糕機會，所以大肥豬就話今日唔好切，等到時先一次過開心。

話雖然唔切蛋糕，不過始終今日都係一個小小嘅開心事，所以我買左一個小CUP-CAKE，兩母子係屋企嚟個小慶啦！

雖然只係一個小CUP-CAKE，不過小小豬一見到就已經好興奮啦~

個傻豬仔真係好鐘意唱生日歌呀~

有得食嘅小小豬就係最古靈精怪，睇佢食得幾開心~

除左影小小豬之外，我仲膽粗粗咁試吓SET相機同小小豬玩自拍。開頭都係打算係博吓，不過估唔到小小豬俾到個驚喜我，教左一次之後，就識得望住自拍個閃燈，所以俾我影到好幾張好靚嘅合照呀~

嘩哈哈...真係冧C我啦~

今日得我同小小豬兩個人係屋企慶祝，我又拎相機又拎手機拍片，我都真係覺得自己好利害，不過亦都係要小小豬合作，我先可以一次過做到咁多樣嘢。

哈哈哈..我真係我鐘意同小小豬影相，拍底佢生活大小事情，等我自己有個留念之餘，亦都可以留低小小豬嘅回憶。有時見啲相影得好靚，又捉到小小豬嘅開心時刻時，嗰一份滿足感，真係開心到難以形容呀！